Ibn-e-Safi
Ibn-e-Safi
was born on 26 July 1928 in Illahbad ( India ). His real name is Israr Ahmed.
He received the degree of B.A. from Aagra University. He is a best selling and
renowned Novelist and Poet of Urdu. He diagnosed Cancer and died on 26 July
1980.
Ibne Safi In Urdu
Pakistan ki
adbi tareekh mein jasoosi adab ke wahid saqa aur mutabar musannif ibn-e-safi
muttehda Hindustan ke shehar Illahbad (Uttar Pardesh) mein 26 july 1928 ko
paida hue. In ka asal naam Israr Ahmed tha. BA ki degree aap ne Aagra
University se hasil ki. Inho ne apne likhna ka aaghaz 1940 mein afsane aur
tanz-o-mazah likhne se kiya aur narvi takhallus ikhteyar kiya. Phir inho ne
1950 main novel nigari shuru ki. Us waqt wo secondary school teacher ki hesiyat
se kaam kar rahe the. Azaadi se pehle aur bad main apni huriyat pasand tabiyat
ke baiys hukoomat ki nazron mein aa chuke the. Is liye 1952 main aap Karachi
muntaqil ho gae.
Ibn-e-Safi ne
jasoosi novel nigari kisi sahab ke is dawey kw bad ki thi ke bar-e-saghir mein
jasoosi novel sirf fahesh nigari ki wajah se maqbool hai. Inho ne use ghalat
sabit karne ke liye pehle jasoosi dunya aur phir Imran series shuru ki. Ibne
Safi ke baqol, in ke sirf 8 novelon ke markazi khayal kisi aur se mustaar
liye hai, baqi ke 245 novel mukammal tor par in ke apne hai. 1960 se 1963 tak
aap aik zehni bemari shez-o-fareniya ke mareez rahe. Lekin 1963 main he is marz
se na sirf sanbhala liya bal ke Imran series ka behtreen novel derh matwale bhi
likha.
26 July 1980
ko ( yani apni salgirah ke din ) wo is jahan se rukhsat ho gae. Wajah inteqal
mauzi marz Cancer tha. Janab Ibn-e-Safi bilashuba Urdu ke sab se barhe jasoosi
novel nigar hai aur in ki tehreeron mein aesa jadoo hai ke 50 saal likhe gae
novel jab aaj ke daur ka bhi insaan parhta hai to wo sab bhool jata hai.
Ibn-e-Safi ka lagaya hua pauda Imran series is qadar tanawar hua ke aaj tak yah
samarbaar hai aur kae aik musannifeen is silsile ko aage barha rahe hai.
Professor
Dr. Syed Muhammad Abu Alkhair Kashfi ne Ibn-e-Safi ko yun khiraj-e-tehseen pesh
kiya. “ Maine ne kabhi Ibn-e-Safi ke novelon ko kitabon ke darmiyan chupa kar
nahi rakha. Hamare intellectual ise aik sub standard mawad gardantey hai, lekin
un mein se koi bhi Ibn-e-Safi ke takhleeqi zehan ka muqabla nahi kar sakta. Koi
mujh se pochta hai ke aap Ibn-e-Safi ke novel kyun parhte hai to main jawab
deta hoon, kyun ke Ibn-e-Safi hamare kae novel nigaron se behtar zuban likhte
hai.” Jab Muhammad Hasan Askari ne ye shikayat ki ke Urdu nasar ka fun zawal
pazeer hai aur koi achi zuban nahi likh raha to main ne unhe Ibn-e-Safi ki
jasoosi Dunya ka aik novel parhne ko diya, is ke bad wo har maah pochte the. “
Kashfi Sahab Ibn-e-Safi ka naya novel aa gaya? ”
1977 ke aam
intekhabaat ke dauran in ke aik novel Dr. Dua go ko Pakistan Television ne tele
film ki hesiyat se picturize kiya tha. Mashoor adakar Qivi khan ne is
mein Imran ka kirdar ada kiya tha. Lekin kuch siyasi uljhano ki wajah se
nazreen ye tele film dekhne se mehroom rahe. Roznama jang ne apni 18 october
1979 ki ashaat mein ye khabar shaey ki. “ ye jumlah bar bar sunne mein ata hai
ke falan falan musannif ko TV ne black list kar diya, lekin kisi musannif ne TV
ko black list kar diya ho ye ajeeb bat hai. Ibn-e-Safi ka kehna hai ke wo us
waqt tak TV ke kisi program main hissa nahi lenge, jab tak bataya na jae ke in
ke novel Dr. Dua Go ko Tele cast kyun nahi kiya gaya? ”
Wo Pakistan
ke wahid jasoosi musannif the, jin ke kaam ko ben-ul-aqwami satah par is had
tak imtiaz-o-shohrat hasil hui ke aik martaba jasoosi novelon ki malka kehlane
wali mashoor maroof musannifa Agatha Christie ne kaha: “ Main Urdu nahi janti
magar bar-e-sagheer ke jasoosi novelon se mujhe waqfiyat hasil hai. In mein
asli chez likhne wala musannif sirf Ibn-e-Safi hai. ”
Ibn-e-Safi
ke fun aur in ki takhleeqi salahiyat ko is se barha khiraj-e-tehseen na koi aur
pesh kiya ja sakta hai aur na mere khayal mein is ke bad kisi aur tareef ki koi
zaroorat baqi rehti hai. Ibn e Safi 26 July 1980 ko inteqal kargaye.
No comments:
Post a Comment